71,850 Pilipino namamatay taun-taon dahil sa paninigarilyo

IPINAPAKITA ni Emerito Rojas, founder ng New Vois Association of the Philippines, kasama ang mascot ng DOH na si Yosi Kadiri, ang ilulunsad na bagong pakete ng mga sigarilyo na may larawan ng mga sakit na dulot ng paninigarilyo.

DIEGO MARIANO/ INQUIRER

INILUNSAD ng Department of Health (DOH) ang kampanyang “Cigarettes are eating you alive” dahil sa nakababahalang bilang ng mga naitatalang namamatay dahil sa direktang paninigarilyo at dahil din sa second-hand smoke (SHS) o ang hindi direktang paggamit ng sigarilyo.

Sa pagtutulungan ng DOH, New Vois of the Philippines, at ng World Lung Foundation, ilulunsad simula Agosto 15 sa mga pambansang himpilang pantelebisyon. Ginawa ito upang hikayatin ang mga naninigarilyo na itigil na ang bisyo at suportahan ang mga batas laban sa paninigarilyo. Kasabay nito ang paglunsad ng bagong pakete na may larawan ng mga sakit na dulot ng paninigarilyo. May dalawang anunsyong panserbisyong publiko ang kampanya, una ay ang nabanggit na kampanya at ang pangalawa ay ang “Cigarettes are eating your baby alive.”

Dahil sa SHS, 3,000 Pilipinong hindi naninigarilyo ang namamatay dahil sa lung cancer taun-taon.

Ayon kay Health Secretary Janette P. Loreto-Garin, kailangang maging mulat ang mga Pilipino ang masamang epekto na sanhi ng SHS, maging ang maraming respiratory diseases na sanhi ng paninigarilyo. Dahil din sa paninigarilyo, halos P188 bilyon ang nawawala sa ekonomiya ng bansa. Dahil dito, kailangan ng malawakang pagpapatupad at suporta sa mga patakarang kumokontrol sa mga tabako.

Kung sakaling maging matagumpay ang nasabing kampanya, hindi dapat magalala ang mga nagtratrabaho sa industriya ng tabako. May matatanggap ang industry players tulad ng mga magsasaka ng tabako at ang mga empleyado ng mga kumpanya ng tabako. Ayon kay Dra. Paulyn Jean B. Rosell-Ubial, Assistant Secretary of Health, “proceeds of the sin tax is actually allocated for alternative livelihood for the tobacco industry players as well as the farmers so 85 percent of the sin tax goes to the DOH, and 15 percent goes to the industry players particularly the Department of Agriculture, Technical Education and Skills Development Authority and Department of Labor and Employment.”

Kada oras, 10 Pilipino ang namamatay dahil sa mga karamdamang kaugnay ng paninigarilyo. Wastong pamamahagi lang ng impormasyon ang makakapagpigil o makapagpapabawas sa pagtaas ng bilang ng mga nagkakasakit ang mga namamatay dahil sa paninigarilyo. Ayon sa NVAP Founder at President na si Engr. Emer Rojas, “Mass Media campaign can help to raise awareness of the harms of tobacco and effect behavior change at population level.”

Noong 2010, 600,000 ang namatay na non-smoker sa buong mundo. Sa huli, ang sabi ni Health Secretary Garin, “With these facts, Students should know the harmful effects of smoking and there are no benefits in starting the habit. They should be smart and never start smoking.”

Published on Inquirer Libre August 12, 2015

Philhealth makagagaan sa pagharap sa kanser

AHMC Presidente at CEO Andres Licaros Jr. proud na pinapakita ang logo ng bagong ACI

DIEGO MARIANO, INQUIRER

SANA maraming Pilipino ang mag-Philhealth,” sinabi ni Dr. Joven Tanchuco, Asian Cancer Institute (ACI) Chief Medical Officer, sa araw ng pagtatag sa kauna-unahang Asian Cancer Institute (ACI) ng Asian Hospital and Medical Center (AHMC) sa Pilipinas.

Hinihikayat ng ACI ang mga Pilipino na magpa-insure sa Philhealth bilang paghahanda sa anumang hindi inaasahang problemang pangkalusugan, lalong lalo na sa sakit na kanser, o “Big C.” Hindi lingid sa kaalaman ng pamunuan ng AHMC ang hirap at gastos ng pagpapagamot mula sa sakit na Kanser.

“Dalawa lang ang pinangangambahan ng mga tao sa tuwing malalaman nilang mayroon silang kanser, una, gagaling ba ako diyan? At pangalawa, baka naman maubos ang kabuhayan ko diyan,” ani AHMC Presidente at CEO Andres Licaros Jr. Dahil sa dalawang rason na binanggit ni Licaros, nag-isip ang AHMC kung paano matutugunan ang pangangailangang pang-medikal lalong lalo na sa kanser ng mga Pilipino, at ito nga ang pagtatag ng ACI upang tugunan ang mga problemang ito sa mabilis at makabagong pamamaraan.

Ang makabago at mabilis na pamamaraan na ito ay ang pagpapakilala ng “multi-disciplinary care” o ang paggamit ng iba’t ibang disiplina ng medisina sa paglunas ng sakit at ang pagbili ng mga makabagong kagamitang pang-medikal mula sa ibang bansa, mga kagamitang wala pa sa Pilipinas sa ngayon. Ayon kay Dr. Enrico Tangco, special projects coordinator ng ACI, “We hope to increase the cure rate, the quality of care for the patient, and the quality of life of the patient.”

Sa multidisciplinary care na ito, hindi lamang iisang doktor ang susuri sa pasyente kundi isang grupo na nagmumula sa iba’t ibang disiplina ng medisina para sa mas wastong pagsusuri ng sakit. Sa bagong tatag na ACI matatagpuan ang pinakabagong kagamitan pangmedisina mula sa ibang bansa tulad ng TomoTherapy HAD-H at ng Brachytheraphy.

Ang iba sa ospital na ito ay ang kanilang uri ng pag-aaruga, na kung saan ipadarama nila na hindi nag-iisa ang pasyente na kailangan ng isang “team” upang labanan ang sakit na kanser, kasama na rito ang mga aktibidad na kasama ang pamilya ng may sakit tulad ng yoga, laughter at aroma therapy, at alagang ispiritwal, pati na rin ang pagkain ng mga pagkaing herbal at masustansya.

Sa mga serbisyo ng ACI, maaring masabing hindi mura ang mga gamutang ito, bagama’t ayon kay Licaros “kailangan din naman naming i-maintain ang mga kagamitan… at iexpect nila na may babayaran talaga. Ang presyo ng mga serbisyo namin ay sapat lang.” Mayroon ding foundation ang AHMC upang tulungan ang mga kapus-palad na gustong magpagamot pero hindi sapat ang kabuhayan upang maipagpatuloy ang na mahal gamutan.

Bagama’t may foundation ang AHMC, hindi ito sapat upang tugunan ang lahat ng kapus-palad na may sakit na kanser. Kaya hinihikayat nila ang mga Pilipino na mag-avail ng Philhealth, malaking tulong na rin sa mahal na gamutan ng sakit na kanser.


Published on Inquirer Libre July 29, 2015